నీలిమేఘం

ఉగాది సంబరాలెలా ఉన్నయంటే……..

nilimegham — Thu, 26 Mar 2009 19:21:14 +0000

…. అబ్బో చాలా విషయాలున్నాయి, ఖుటోలున్నాయి అదే ఫొటోలు.
హాయిగా పండగ భోం చేసాక చెప్తాలెండి. కాసేపాగి రండి.

Tagged: ఉగాది

శ్రీ విరోధి నామసంవత్సర శుభాకాంక్షలు

nilimegham — Thu, 26 Mar 2009 19:18:01 +0000

పేరుకే విరోధిని,
నేనెవరికీ కాను అవరోధిని…….అంటూ వస్తున్న యుగాదికిదే మా ఆహ్వానం!!!

Tagged: యుగాది

మిలాద్ నబి

nilimegham — Mon, 09 Mar 2009 17:26:59 +0000

ప్రేమ మానవీయత ను ప్రభోదించిన మహమ్మద్ ప్రవక్త జన్మదినం మిలాద్ నబి శుభాకాంక్షలు.

Tagged: మిలాద్ నబి, శుభాకాంక్షలు

nilimegham — Tue, 03 Mar 2009 14:37:17 +0000

మేఘమై నేను వచ్చాను

స్వేఛ్చ

nilimegham — Tue, 03 Mar 2009 12:01:15 +0000

స్వేఛ్చ అంటే మనకి కావల్సినట్లు ఉండడమేనా?
మనం అనుకున్నట్లుగా మనం ఉండగలిగితే అదే స్వేఛ్చా?

Tagged: మహిళ, స్వేఛ్చ

మంగళంపల్లి బాలమురళి గారి కచేరీ

nilimegham — Thu, 12 Jun 2008 08:54:00 +0000

మంగళంపల్లి బాలమురళి గారి కచేరీ అందులోను హైదరాబాదు చౌమహల్ల ప్యాలస్ లో ఇక మనసు ఊరుకోదు.ఎన్నో సార్లు ఆ ప్యాలస్ లో జరిగిన గజల్ నైట్స్,కచేరీలు కి పాస్లు ఉన్నా అటెండ్ కాలేకపోయాను.చెయ్యాల్సిన పనులు అలా నిముషానికి ఒకటి గుర్తు వస్తూనే ఉంటాయనిపించి అన్నీ పక్కకు జరిపి ఓ పదినిముషాలు లేట్ అయినా వెళ్ళాము.ఆ వాతావరణం ఎంత బావుందని,అలా ప్యాలస్ ఆరుబయట చల్లనిగాలి మబ్బుల్లోచి తొంగిచూస్తున్న చందమామ ఓహ్ అ వాతావరణమే ఎంతో ఉల్లాసంగా ఉంది.బాలమురళి గారు గానామృతం ఆస్వాదించానికి చంద్రుడూ ఎంతో ఆసక్తి కనబరిచాడు కానీ……………………………………………………………..నిరాశే ఎదురయ్యింది. మంగళంపల్లి పాడిన తిల్లానా ఆయన ప్రక్క వాయిద్యాలకు ఇచ్చిన పోటి వాహ్ అధ్బుతం. ఆయన గొంతు వినిపించిన ప్రతీసారీ ప్రకృతి మాత పులకించినతీరు ఆస్వాదించవలసిందే,చెప్పనలవి కాదు. ఎల్లా వెంకటేశ్వర్రావు గారు మృదంగ విన్యాసం అత్యధ్భుతం. కానీ గురువుగారి గళంనుంచి ఎంతో ఎన్నెన్నో కీర్తనలు వినాలని ఉవ్విళ్ళూరిన నాకు …….బాధనిపించింది.ఏదో అయ్యిందనిపించారని పించింది.ఉన్నాదానితో తృప్తిచెందాలన్న కాంన్సెప్ట్ బాగా పాతుకుపోయిన నాకు ఆమాత్రం గురువుగారి దర్శన భాగ్యం కలిగిందని వోకల్ సపోర్ట్ తో కొనసాగించినా ఆ చల్లటి వేళ అలా అందమైన వాతావరణం లో ఆస్వాదించానన్న ఆనందంతో ఆ హాయిని గుండెలనిండా నింపుకుని ఇంటికి బయలుదేరాను.ఏది ఏమైనా సప్తాహం పూర్తి అయిన గురువుగారు తన మ్యాజికల్ వాయిస్ తో మెస్మరైస్ చేసారన్నది నిజం. Watch it here.

తొలకరి

nilimegham — Wed, 04 Jun 2008 19:01:00 +0000

కేరళలో కన్నూర్ లొ తొలకరి పుడమి తల్లిని పలకరించిందిట! ఇక మన వైపు రావడమే తరువాయి. చిన్నప్పుడు వానాకాలం అంటే కాగితప్పడవలు,రోడ్డు పక్క కాలవలో చేపల్ని పలకరింపులు ,చెప్పులతో టప్పులు టిప్పులు ,అమ్మ పెట్టె వేడి అన్నం మాగాయి,రూం హీటరు ఉన్నా అమ్మమ్మతో కుంపటి దగ్గర చలికాచుకోవడం అబ్బో ఆ మజానే వేరు.మరిప్పుడు బాల్కనీ లోంచి ఓహో వాన వస్తంది కాబోలు అని అనుకుని(అదీ ఇంట్లో ఉంటే) వీలైతే ఓ కప్పు టీ పెట్టుకుని ఎలాగూ వాన చప్పుడు వాహనాల రొదలో వినిపించదు కాబట్టి ఓ మంచి పాట విందాం అనుకునే లోపే బెల్లు మోగటమో మరింకేదో మరోటో ….మరి ఆఫీస్ లో ఉంటే బయటినుంచి వచ్చిన వారెవరైనా వాన వస్తోంది అని చెప్తే కానీ తెలీదు,తెలిసాకా హాయ్ వర్షమా అని నాలో మేల్కొన్న చిట్టి మనసుని ఏయ్ ఇది ఆఫీసు పని చాలాఉంది అని గసిరి పన్లో పడగానే అంతలో వానతో పెరిగే ట్రాఫిక్కు తుఫాను గుర్తొచ్చి ఛీ పాడువాన అనుకోవడం పరిపాటి.

బ్లాగర్లూ స్వాగతం.

nilimegham — Wed, 04 Jun 2008 18:23:35 +0000

నాకు నచ్చిన పాటలు నా ఊహలకందే మాటలు నా కెమెరా బంధించిన దృశ్యాలు ఇంకా ఎన్నో ఎన్నెన్నో ఈ నీలిమేఘం లో…..వేచి చూడండి, వస్తూ ఉండండీ.